Morgunstemming

Komin inn eftir góðan göngutúr.  Svei mér ef það er ekki allra meina bót að drífa sig í útigallann, skella á sig góðum skóm og vaða út.  Þramma þetta stefnulaust með sína þungu þanka.  Áður en langt um líður er brúnin farin að léttast, sólin að hækka á lofti, skín á húsgaflana sem snúa í suðaustur, hitinn við frostmark, allt eitthvað svo ferskt.  Göngugarpurinn réttir úr sér við að dást að umhverfinu, fáir á ferli, þó er einn og einn útivið í sama tilgangi og undirrituð.  Gott að setjast við tjörnina og kíkja á endur og gæsir, nokkrir svanir eru þarna líka.  Hópurinn syndir í átt til mín og heldur að ég láti brauðbita af hendi rakna en ég býð ekki upp á neitt, tók ekkert með mér.

 

Eftir rúmlega klukkutíma útiveru er ég komin inn, með rjúkandi tebolla við höndina,  freyðibaðið alveg að verða tilbúið og Creadence Clearwater Survival á fóninum.

 

Gleðilegan sunnudag öllsömul.

Athugasemdir

[Edda Guðrún (IP-tala skráð) 11.2.2007 kl. 11:41]

Gleðilegan sunnudag sömuleiðis. Ég var einmitt að hugsa um að ná í fréttablaðið og fá mér morgunmat. Það er svo góð samsetning.

[Ólafur fannberg, 11.2.2007 kl. 12:06]

sömuleiðis...

[Guðríður Haraldsdóttir, 11.2.2007 kl. 14:18]

Ummm, góður sunnudagur hjá þér!