Veðurfréttir og matar-

Það er að hlýna nú er 14°C hiti en það rignir (eins gott að ég tók regnhlífina með mér).  Spáð er sólskini upp úr hádegi.  Námskeiðið er komið á fullt skrið og nóg að gera við að kynnast fólki, umhverfinu og síðast en ekki síðst námsefninu.

 

Ítalinn eldaði pasta í gærkvöld og bauð nokkrum félögum ásamt ekta Ítölsku espresso.  Við hin sýndum lit og komum hvert og eitt með eitthvað smávegis.  Hann tók hráefnið og kaffivélina með sér að heiman.  Það finnst mér vel af sér vikið.  Maturinn heppnaðist vel og félagsskapurinn var skemmtilegur.  Þrátt fyrir alþjóðlegt yfirbragð er ýmislegt sameiginlegt, t.d. smekkur á tónlist, svo eitthvað sé nefnt. 

 

Ekki meira í bili, því ég er eitthvað svo andlaus enda nývöknuð.

Athugasemdir

[Minný (IP-tala skráð) 2.3.2007 kl. 21:57]

Bara að láta vita af mér. Ég les bloggið á hverjum degi (að sjálfsögðu). Gaman að heyra að allt gengur vel. (Ég er búin að vökva blómin).

[Guðrún Eggertsdóttir, 3.3.2007 kl. 00:28]

Takk fyrir það!

[Guðný Anna Arnþórsdóttir, 3.3.2007 kl. 21:34]

Gaman að fylgjast með þér, góða skemmtun áfram!