Leifsstöð og afmæli

Jæja, nú er allt tilbúið, snyrtitaskan komin ofan í ferðatöskuna og búið að loka henni.  Sólin skín, kyrrð á laugardagsmorgni og allt er frábært.

 

Minný og Sigvaldi ætla að keyra mig suð’r eftir eins og Suðurnesjamenn segja þegar farið er frá Höfuðborgarsvæðinu og til Keflavíkur.  Ég á eftir að smella kossi á nokkra þar, að sjálfsögðu gef ég mér tíma til þess og reikna með að „tékka mig inn“ í flugið kl. þrjú. 

 

Ssssssssppppppppeeeeeeeennnnnnnnnnnnnnnnnnnnnnnnnaaaaaaaaannnnnnnnnddddddddddiiiiiiiiiiiiiiiiii............

 

Nú veit ég ekki hvenær ég blogga næst, það er ekki víst að ég nái að gera færslu á morgun en þar sem það er nokkuð merkilegur dagur eða afmælisdagurinn hans Steina, þá tek ég hér með forskot „á sæluna“ og segi: Til hamingju með daginn Steini minn og njóttu hans vel.

 

Á morgun má taka undir þetta (allir saman nú):

Hann á afmæl’ í dag,

hann á afmæl’ í dag,

hann á afmæl’ ann Steini,

hann á afmæl’ í dag.

 

„Bloggumst“ síðar

Athugasemdir

[Guðríður Hrefna Haraldsdóttir, 24.2.2007 kl. 12:42]

Skyggni virðist vera gott núna þannig að ég tékka á brottfarartíma þínum, kem mér vel fyrir við gluggann minn og kíki í gegnum stjörnukíkinn á flugvélina þína fara. Vonandi vinkar þú til baka, krúsímúsí!!! 

[Olga (IP-tala skráð) 24.2.2007 kl. 15:34]

Ég er að deyja úr tilhlökkun að fá þig í kvöld!!!!!!  Bara svo að þið vitið, þá er alveg mjög fallegur dagur hérna, heiðskírt en kalt, rétt um frostmark.

.................ég er að fara að búa um rúmið hennar Gunnu frænku........

[Gilla (IP-tala skráð) 24.2.2007 kl. 19:29]

Góða ferð og eigðu góðar vikur í USA, mun vera fastur gestur hér og lesa hvað á daga þína drífur

Gilla